نصائح سوبر لكل سائق سيارة

نصائح سوبر لكل سائق سيارة

أضيف بتاريخ: 9/16/2016 10:14 pm - الزيارات: 641

- وأنت داخل ملف هدي وإدي الغيار اللي هتلف عليه قبل ما تدخل الملف نفسه وغالباّ بيكون هو الغيار التاني، لأن تغيير تعشيق الفتيس والعربية بتلف بتضرب كبالن .
- لو بتغطي عربيتك اختار غطا من القطن مش من الألياف الصناعية لأن الاخيرة تمنع دخول الهوا وبتضر بدهان العربية .
- لو حبيت تزود مياه والموتور ساخن زود والمحرك سخن يعني متبطلش وافتح غطا القربة بالراحة أوي وخلي وشك بعيد شوية .
- مقاس الكاوتشات وضغط الهوا المناسب هتلاقيه مكتوب في كذا مكان بالعربية زي علي غطا التنك من جوه أو درج الطابلوه أو علي قايم الباب.
- العفشة المميزة هي إمتداد طبيعي لعمر الكاوتش والكاووتش الكويس والضغط المظبوط هو إمتداد طبيعي لعمل وكفائة العفشة.
- لو الفتيس أوتومايتك ماتزودش سرعتك مرة واحدة أو ما تتحرك الأفضل إنك تخليك علي الهادي وتزود سرعتك تدريجياّ.
- لو السرعة عالية وداخل علي ملف خده علي الضيق لأن ده هيعرضك إن العربية ممكن في لحظة تتقلب.
- عند تغيير زيت الموتور خلي الزيت القديم يسقط من الطبة من تحت وبلاش شفط .
- خلي بالك من صنايعي الشكمان لما يقولك "علبة البيئة مسدودة" وينصحك إنك تشيلها أو تغيرها بنبسبة 99.9% نصب وعملية تمهيدية لسرقة الفحم اللي بيكون جوة العلبة .
- تحويل العربية من بنزين لغاز هيضر بالمحرك ويقلل من عمره لأن نواتج الغاز بتتلف الشنابر وبتسلخ الشمايز .
- الوزن الزيادة في الشنطة والمساعدين بايظين هيأثر في نور الفوانيس الأمامية ومش هتكشف طريقك صح ده غير إن نورك هيكون ضارب في عين المقابل ليك .
- عند ركن السيارة لفترة تتعدي الأسبوعين متشدش فرامل اليد كل اللي هتعمله مور العربية وحجر الكاوتشات .
- متسندش بإيدك علي عصاية الفتيس أثناء القيادة لأن ده مع الوقت هيخلي الفتيس يضرب غوايش .

التعليقات